សិក្ខាសាលាឆ្លុះបញ្ចាំងសមិទ្ធិផលប្រចាំឆ្នាំរបស់គម្រោង៖ ពង្រឹងសិទ្ធិអំណាច សម្រាប់គណនេយ្យភាព ដំណាក់កាលទី២

(តុលា ២០២១ - កញ្ញា ២០២២)

អង្គការ VBNK បានរៀបចំ “សិក្ខាសាលាឆ្លុះបញ្ចាំងសមិទិ្ធផលប្រចាំឆ្នាំរបស់គម្រោង ពង្រឹងសិទ្ធិអំណាច សម្រាប់គណនេយ្យភាព ដំណាក់កាលទី២“ ដែលបានកំពុងអនុវត្តក្នុងរយៈពេល១ឆ្នាំកន្លងមក ក្រោមការគាំទ្រមូលនិធិពី BfdW។ គម្រោងមានគោលបំណងបង្កើនការចូលរួមរបស់សហគមន៍ក្នុងដំណើការអភិវឌ្ឍមូលដ្ឋាន និង លើកកម្ពស់ការឆ្លើយតបរបស់អាជ្ញាធរ និងអ្នកពាក់ពន័្ធចំពោះតម្រូវការផ្នែកសង្គម និងបរិស្ថាន ក្នុងសហគមន៍គោលដៅ រួមមានខេត្ត កំពង់ធំ ព្រះវិហារ និង ស្ទឹងត្រែង ក្នុងស្រុកគោលដៅចំនួន ៦ និង ឃុំចំនួន ១២ ដែលគ្របដណ្តប់ភូមិចំនួន ៨៦ភូមិ ។ អ្នកចូលរួមក្នុងសិក្ខាសាលារួមមាន៖ អង្គការដៃគូ AFD, COWS, NTFP, TDSP, YCC, and CAFDOC និង មន្រ្តីគាំទ្របច្ចេកទេសកម្មវិធីវិនិយោគស្រុក សមាជិកក្រុមប្រឹក្សាឃុំ និង តំណាងសហគមន៍។ សិក្ខាសាលាឆ្លុះបញ្ចាំងប្រចាំឆ្នាំបាន ពិនិត្យសមិទិ្ធផលធៀបនឹងផែនការប្រចាំឆ្នាំ កំណត់បញ្ហាប្រឈម និងដំណោះស្រាយ និង លើកទិសដៅផែនការសម្រាប់ឆ្នាំបន្ទាប់។ សូមរង់ចាំមើលរបាយការណ៍សង្ខេបស្តីពីសិក្ខាសាលានេះក្នុងពេលឆាប់ៗនេះ។